Фото: Sputnik Қырғызстан.

Бішкек қаласында Қазақстанда Бакиев жайында көрсетілген деректі фильмге байланысты қарсылық шарасы өтті.

Қарсылық шарасын өткізген «Айкол Ала-Тоо» қоғамдық бірлестігінің белсенділері Құрманбек Бакиевке арналған іш киімдерді Қазақстан елшілігіне алып келген. Олардың бұлай істеуіне 29 қараша күні «Хабар» телеарнасында көрсетілген «Миссия миротворца кыргызский розлом» деректі фильмі себеп болған. Онда Құрманбек Бакиев 2010 жылы Қырғызстанда болған жағдайлар жайында айтқан. Қарсылық акциясын ұйымдастырушылардың ойынша, қазақстандық телеарна 2010 жылыҚырғызстанда болған жағдайларды бұрмалап көрсеткен.

Естеріңізге салайық, қазіргі таңда Құрманбек Бакиев Беларусь астанасы Минск қаласында тұрады. Оны 2016 жылы Қырғызстан соты сырттай 30 жылға соттаған.

“The Qazaq Times”