Фото: Forbes Казахстан

Халықаралық валюта қоры "Қазақстанның 2017 жылғы инфляция деңгейі 7%, 2018 жылғы көрсеткіші 6,2% болады" деген болжам жасады. Бұл туралы қордың қазан айына арналған әлемдік экономикаға шолуында  (World Economic Outlook) айтылған.

ХВҚ сәуір айындағы шолуында инфляция 2017 жылы 8%, 2018 жылы 7,2% болады деп болжаған.

Бұдан бұрын ХВҚ-ның Қазақстандағы өкілі  Марк Хортон "2017 жылдың нәтижесі бойынша Қазақстанның жалпы ішкі өнімі 3,3%-ға, ал 2018 жылы нәтижеде  2,5−3%-ға өседі" деген.

Айта кетейік, Ұлттық экономика министрлігі 2017 жылы Қазақстанда ЖІӨ 3,4%-ға өседі деп болжап отыр. 2016 жылы елдің ЖІӨ 1%-ға артқан. 2016 жылы Қазақстандағы инфляция 8,5% болды.  Үкіметтің болжамынша, биыл инфляция 6,9-7,5% деңгейінде болады.

“The Qazaq Times”