Фото: Oxu.az

Ташкент әуежайында белгілі өзбек жазушысы Нурууло Отаханов тұтқындалды - деп хабарлайды Oxu-az ақпарат көзі Reuters ақпарат агенттігіне сілтеме жасап.

Reuters агенттігінің мәліметінше, Отаханов Ташкент әуежайында Стамбұл қаласынан оралған бетте ұсталған. Ол Түркияға 2015 жылы жұмыс бабымен кеткен, бірақ сол уақытта ел билігі оны «қара тізімдегі» азаматтардың қатарына кіргізіп жіберген. Осыдан кейін Отаханов Өзбекстанға қайтып оралмауды ұйғарған. Бірақ Өзекстанды ұзақ жылдар бойы басқарған Ислам Кәрімов өлгеннен кейін Отаханов елге қайта келген. Оны бұған дейін Шавкат Мирзиеев «қара тізімнен» шығарып тастағандығын мәлімдеген болатын.

Нурууло Отаханов көптеген публицистикалық, көркем-әдеби шығармалардың авторы. Өз кезінде ол Өзбекстанда «Хидоят» (Дұрыс жол) журналының бас редакторы қызметін атқарған.

“The Qazaq Times”