Солтүстік Корея кезекті зымыран сынағына дайындалу үстінде – деп хабарлайды NBC News телеарнасы АҚШ барлау қызметіне сілтеме жасап.

Америка барлау қызметінің мәліметінше, солтүстік кореялық әскерлер соңғы 48 сағат ішінде зымыран құрылғыларын сынақ алаңына апару мен оны дайындау кезінде көзге түскен. Осыған қарағанда ресми Пиоңяң (Пхеньян) алдағы екі-үш күн ішінде өзінің кезекті зымыран сынағын өткізуі мүмкін.

Есетеңізіге салайық, қыркүйектің 11-і күні Біріккен Ұлттар Ұйымының қауіпсіздік кеңесі Солтүстік Кореяға салынған санкцияларды күшейтуді бір ауыздан мақұлдаған болатын. Ал Пиоңяң БҰҰ-ның бұл шешімімен мүлде келіспейтінін айтып, алдағы уақытта да зымырандарын сынақтан өткізе беретінін мәлімдеген.

“The Qazaq Times”