Израиль әскери әуе күштерінің F-35 бомбылаушы ұшағы.

Израиль әуе күштері Сүрия әскерлері орналасқан аудандарды бомбылады, деп хабарлайды Reuters ақпарат агенттігі.

Reuters мәліметінше, Израиль әуе күштері Сүрияның Хама провинциясында орналасқан Башар Асад әскерінің бірнеше нысанын атқылаған. Салдарынан сүриялық екі жауынгар көз жұмған.

Сүрия қарулы күштерінің таратқан ақпараты бойынша, Израиль әуе күштері Масьяф қаласы маңындағы әскери базаларды бомбылаған. Бірақ бұл оқиғаға байланысты ресми Иерусалим тарапы қандайда бір түсініктеме беруден бас тартты.

Айта кететін бір жайт, бұған дейін Изариль бірнеше мәрте Сүрияның ішкі істеріне араласпайтыны жайында мәлімдеме жасаған болатын. Алайда осы уақытқа дейін Израиль Сүрия әскери базаларын ешқандай ескертусіз атқылап келеді.

“The Qazaq Times”