Фото: Reuters

Ауғаныстанның астанасы Кабулда көлікке орнатылған жарылғыш құрылғы 24 адамның өмірін қиды, деп хабарлайды BBC ақпараттық агенттігі жергілікті билік өкілдерінің мәлімдемесіне сілтеме жасап.

Ауғаныстанның Ішкі істер министрлігінің өкілі Наджиб Даниш: "Терактінің әсерінен 42 адам жараланған.  Ішіне жарылғыш зат орнатылған белгісіз азаматтың көлігі  Үкімет басшысының орынбасары Мұхаммед Мохахиктің үйінің жанынан табылды.  Негізгі нысан - билік өкілінің өміріне қауіп төндіру болғанға ұқсайды, дегенмен оны күзетшілер тоқтатқан болуы мүмкін", -деді.

Қазірге дейін жарылысты бірде-бір террористік ұйым мен топтар мойындарына алған жоқ. Дегенмен бұл жарылыс мамыр айында ел астанасындағы 150-ге жуық адамның өмірін қиған, өздігінен жарылған жүк көлігі туралы оқиғаға ұқсайды.

БҰҰ-ның келтірген ақпаратына сәйкес, Ауғаныстанда жыл басынан бері  осындай қолдан ұйымдастырылған террористік актілер әсерінен 1 мың 662 адам көз жұмған. Құрбандардың  20 пайызы - Кабул қаласының тұрғындары.

“The Qazaq Times”