Фото: forbes.kz

Елбасы Нұрсұлтан Назарбаев Қазақстанның сыртқы саясатта ұстанған басты бағыттары жайында айтты.

Назарбаевтың айтуынша, тәуелсіздік алған 26 жыл ішінде Қазақстан әлемнің 182 елімен достық қарым-қатынас орнатқан. Осы уақыт аралығында Қазақстан әлемнің 57 мемлекетінде өз елшіліктерін ашықан. Ал Қазақстан аумағында әлемнің 95 мемлекетінің елшіліктері ашылған.

«Қазіргі таңда Орталық Азия дамудың жаңа деңгейіне көтерілді. Бұл тұста біздің ұстанған бағытымыз баяғыдай. Біз әлемдік дәрежеде Орталық Азия салмағын арттыру үшін көршілерімізбен бірігіп жұмыс істейтін боламыз. Қазақстанның Орталық Азиядағы басты әріптестері Ресей мен Қытай болып қала береді.» - деді Нұрсұлтан Назарбаев ҚР аккредитацияланған дипломатиялық өкілдіктер басшыларымен кездесуінде.

Бұдан бөлек Назарбаев алдағы уақытта АҚШ және Еуроодақпен әріптестігін даматытынын және бауырлас Түркия елімен достық қарым-қатынасты одан ары арттыруға бар күшін салатынын мәлімдеді.

“The Qazaq Times”