Фото: Sputnik Кыргызстан

2017 жылғы 29 маусымда Қазақстан Республикасы Орталық сайлау комиссиясы отырыс барысында 2017 жылғы 28 маусымда болған ҚР Парламенті Сенатының депутаттарын сайлау қорытындыларын анықтады, деп хабарлайды орталықтың баспасөз қызметі. 

Әр облыстан, Астана және Алматы қалаларынан бір депутаттан барлығы 16 депутат сайланды.

"Сайлау науқаны барысында барлығы 89 үміткер ұсынылды. 38 кандидат сайлау бюллетеньдеріне енгізілді.  Сайлауға 3242 таңдаушы қатысты", - делінген хабарламада.

ҚР Парламенті Сенатының депутаттарын сайлау барысында 518 халықаралық және отандық байқаушы, 244 қазақстандық және шетелдік БАҚ өкілі қатысты.

Сайланған депуттардың 7-н мәслихаттар ұсынса, 9 өзін-өзі ұсынғандар. ҚР Парламенті Сенатының депутаттығына кандидаттардың орташа жасы –56,7 жас.

Қазақстан Республикасы Парламенті Сенатының депутаттарын сайлау қорытындысы бойынша сайланғандар:

Ақмола облысынан - Әділбеков Дәурен Зекенұлы;

Ақтөбе облысынан - Жұмағазиев Мұхтар Сабырұлы;

Алматы облысынан - Қылышбаев Нұрлан Наурызұлы;

Атырау облысынан - Дүйсембаев Ғұмар Ислямұлы;

Батыс Қазақстан облысынан - Төреғалиев Нариман;

Жамбыл облысынан - Нұрәлиев Әбдәлі Тоқбергенұлы;

Қарағанды облысынан - Әбдікеров Рысқали;

Қостанай облысынан - Нұрғалиев Жеңіс Мирасұлы;

Қызылорда облысынан - Бақтиярұлы Мұрат;

Маңғыстау облысынан - Шелпеков Бақтыбай Ақбердіұлы;

Оңтүстік Қазақстан облысынан - Құртаев Әлімжан Сейітжанұлы;

Павлодар облысынан - Нұрсипатов Нұржан Нұрланбекұлы;

Солтүстік Қазақстан облысынан - Сұлтанов Ерік Хамзаұлы;

Шығыс Қазақстан облысынан - Мусин Дүйсенғазы Мағауияұлы;

Астана қаласынан - Мамытбеков Еділ Құламқадырұлы;

Алматы қаласынан - Нүкетаева Динар Жүсіпәліқызы.

“The Qazaq Times”