Фото: Knews

Қараша айының 5-нен 6-сына қараған түні Бішкек қаласында «Ата Мекен» фракциясының депутаты Аида Салянованың інісі оққа ұшты - деп хабарлайды Knews ақпарат көзі. 

Аида Салянованың қорғаушысы Ұлан Жұмақовтың сөзінше, Жоғары Кеңес депутатының інісі Ұлан Саляновқа түнгі сағат 3:00 шамасында бетперде киген белгісіз бір топ адам шабуыл жасаған. Салдарынан Ұлан Салянов оқиға орынында көз жұмып, оның ұлы Абайды шабуылдаушылар белгісіз бағытта алып кеткен. Бірақ кейіннен БАҚ беттерінде Ұлан Саляновтың ұлы табылғандығы жайында ақпарат тараған.

Әзірге аталмыш оқиғаға байланысты Жоғары Кеңес депутаты Аида Салянованың өзі ешқандай ресми мәлімдеме жасамаған. Бірақ қырғызстандық БАҚ өкілдері Ұлан Саляновтың өлімі Аида Салянованың қызметімен байланысты деген ақпарат таратуда.

“The Qazaq Times”