Балалар қалалық клиникалық жұқпалы аурулар ауруханасының модульді филиалының қақпасы. 21 қыркүйек 2021 жыл. Алматы қаласы. Фото: QT / Күлтегін Аспанұлы

Қазақстан денсаулық сақтау министрі Алексей Цой елде коронавирустың "Йота" штамы анықталғанын хабарлады. Бұл жөнінде ол 21 қыркүйек күні Facebook-тағы парақшасында жазды.

Министрдің мәліметінше, "Йото" штамы елдің 4 өңірінде анықталған. Олар: Қарағандыда - 1, Маңғыстауда - 2, Павлодарда - 1, астана - 1.

"Денсаулық сақтау министрлігі биыл шілде-тамыз айларында КВИ науқастарынан алынған оң зертханалық үлгілерді секвенирлеу әдісімен коронавирустық инфекцияға генетикалық зерттеу жүргізді. Оның қорытындылары бойынша, Қазақстанда 96 үлгіден штамдар анықталған. (Delta "Үнді штаммы" - 57 (59,4%), Alpha "Британдық" - 24 (25%), "Ухань" коронавирусы - 10 (10,4%) және eta "Нигерия" - 5 (5,2%))" деп жазды министр.

Министрдің жазуынша, "Йота" штамы 2020 жылы желтоқсанда белгілі болған. Ол алғаш рет Нигерия мен Ұлыбританияда анықталған. Оған шалдыққандардың әдетте "британ штамы" сияқты дене қызуы көтеріліп, жөтел пайда болады, дәм және иіс сезу қабілеті жоғалады, аурулары асқынады.

The Qazaq Times