18 тамызда бортында БҰҰ қызметкерлері бар ұшақтың Алматы әуежайына қоған сәті. Фото: СІМ

Кеше, 22 тамызда Алматы әуежайына  Біріккен Ұлттар Ұйымының Ауғанстандағы бір топ қызметкері мінген ұшақ қонды. Олар Ауғанстандағы жағдай тұрақтағанша, Қазақстанда болмақ.

«Кеше БҰҰ қызметкерлері мінген екінші рейс келді. Бортта 108 адам бар. Барлық орналастыру мәліметі бұған дейін баспасөз брифингінде айтылған ақпаратпен бірдей. Олардың Қазақстанға келуіне кеткен барлық шығын БҰҰ есебінен төленеді» деді БҰҰ баспасөз қызметі.

Қазақстандағы ресми БАҚ-тардың мәліметінше, қазір барлық жолаушы карантинде, олар ПТР тест тапсырды.

Алматыға бұған дейін де Ауғастанда жұмыс істейтін БҰҰ қызметкерлері келіп орналасқан. Қазақстан сыртқы істер министрлігінің мәліметінше, БҰҰ қызметкерлері елде Ауғанстандағы жағдай тұрақтағанша, шамамен алты ай болады деп келісілген.  Қызметкерлердің Қазақстанда тұру шығынын БҰҰ-ның өзі көтереді.

The Qazaq Times