Ирак. Киркук. Бір күн бұрын. Фото: Anadolu Agency

Жаһандық індет кезінде бірқатар Орта Шығыс елдеріндегі дағдарыстан пайдаланып ДАИШ секілді қауіпті тереорлық ұйымдар өз әрекеттерін жандандыра түсті. Апта соңында аталмыш террорлық топтың қарулы содырлары Ирактың Киркук жерінде мұнай кешеніне шабуыл жасады. 

БҰҰ-ның терроризмге қарсы күрес ұйымы мәліметтеріне қарағанда, "Ислам мемлекеті" террорлық тобы індет кезіндегі карантин шараларынан пайдаланып өздерінің жасырын әрекеттерін күшейткен. Топ өзіне жақтастарды Ирак, Сүрия және Ауғанстан жерінде қайта топтастыруда. Аталмыш террорлық топ бұған дейін халықаралық коалиция және жекелеген үкіметтік күштердің соққысынан тас-талқан болған еді.

Ирак ресмилері Киркуктағы шабулда өлім-жітім болғаны туралы мәліметті таратпады.

2014 жылы өздерін "Ислам мемлекеті" атаған террорлық топ Ирактың екінші ірі қаласы Мосулда "Халифат" жариялап, елдің солтүстік өңірлерін, Сүрияның оңтүстік және оңтүстік шығыс аймақтарын бақылауына алған болатын. 2017 жылы желтоқсанда Ирак үкіметі елдегі ДАИШ террорлық тобына қарсы күрестің жеңіспен аяқталғанын мәлімдеген.

Террорлық топтың жеңілісіне төрт жыл өтсе де Киркук пен Ирак-Сүрия шекара маңында ДАИШ содырлары әлі де шабуылдарын тоқтатпай келеді.

“The Qazaq Times”