Фото: blog.abbcapital.com КХДР

КХДР хакерлері Оңтүстік Кореяның қорғаныс министрлігінің серверін бұзып, Пхеньянға қарсы шабуыл жоспары бейнеленген құпия құжатты қолды еткен деп хабарлайды  KBS. 

Телеарна ақпарат көздерінің мәліметтері бойынша, хакерлер бірінші деңгейлі құпия ақпаратқа қол жеткізген, оның ішінде 5027 оперативті жоспары да болған. 5027 жоспарында Корей аралында соғыс қимылдары орын алған жағдайдағы Сеул мен Вашингтонның бірлескен қимылдарының жоспары жазылған.

Қорғаныс министрлігінде хакерлік шабуыл болғандығын растап отыр, бірақ ұрланған құжаттардың тізімі әлі жарияланбады. Бұл іспен әскери прокуратура айналысып жатыр.

«The Qazaq Times»