Фото: EPA/MUHAMMAD SHARIF Сел

Колумбиялық сот медицина органдарының дүйсенбі күнгі мәлімдемесіне сәйкес, Мокоадағы селдің салдарынан қаза тапқан адамдардың саны 273-ке жетіп отыр.

Caracol радиосының хабарлауынша, 100 адамның денелері жерлеуге туған-туысқандарына жеткізілген.  Жергілікті Қызыл Крест ұйым өкілдерінің айтуынша,  400 адам түрлі жарақаттар алып, 220 тұрғынды іздестіру жұмыстары жүргізіліп жатыр.

Фото: bigpicture.ru
Колумбиядағы сел апаты

 Президент Хуан Мануэль Сантос елдегі министрлер кеңесімен бірлесе отырып, апат орын алған аймақты қалпына келтіру үшін  экономикада, әлеуметтік орта мен экологияда төтенше жағдай жариялады.
Қазірдің өзінде Мокоаны қалпына келтіру үшін 40 миллиард песо (14 миллион АҚШ доллары) қаржы бөлінген.

Табиғи апат 1 сәуір күні орын алған. Нөсер жауынның салдарынан  Мокоа, Сангояко және Мулатос өзендері арнасынан тасып, қала құрылысына, көшелерге айтарлықтай зақым келген. Су, электр жүйесі, газ жолдары толықтай істен шыққан.

45 мың тұрғыны бар қаланың 17 ауданын бірақ шәйіп өткен сел соңғы жылдардағы ең үлкен табиғи апаттың бірі болып отыр.

“The Qazaq Times”