АҚШ Мемлекеттік хатшысы Майк Помпео. Фото: ашық дереккөзден

1-2 ақпан аралығында АҚШ-тың Мемлекеттік хатшысы Майк Помпеоның Қазақстандағы ресми іссапары өтеді.

ҚР Сыртқы істер министрлігі жариялаған хабарламада: «2020 жылғы 1-2 ақпанда АҚШ Мемлекеттік хатшысы Майкл Помпеоның Нұр-Сұлтан қаласына сапары жоспарлануда. Сапар аясында М. Помпеоның мемлекет басшылығымен және ҚР Сыртқы істер министрі Мұхтар Тілеубердімен кездесулері қарастырылған. Кездесулерде екіжақты және өңірлік ынтымақтастық, сондай-ақ жаһандық күн тәртібіндегі өзекті мәселелері талқыланады», – делінген.

Помпео астанаға 5 қаңтарда келуі тиіс еді. Мемлекеттік хатшы республика президентімен кездесіп, саяси, экономикалық және мәдени-гуманитарлық ынтымақтастық мәселелерін талқылауды жоспарлаған. Бірақ АҚШ пен Иран мәселесіне байланысты Помпеоның Украина, Беларусь, Қазақстан, Өзбекстан және Кипрға жоспарлаған сапарын кейінге қалдырылды.

"The Qazaq Times"