Фото: arktimes.com Жасөспірім ең үлкен алмаз тауып алды

Америкалық жасөспірім Арканзас штатындағы мемлекеттік қорықта салмағы 7,44 карат болатын алмаз тауып алды. 

Бұл құнды тастың иесі Калел Лэнгфорд есімді14 жасар мектеп оқушысы. Өткен  сенбіде Калел отбасымен "Алмазды кратер" мемлекеттік паркіне қыдырып келген болатын. Бұл аймақта кез-келген келушілер алмаз іздеп, өздерінің бақтарын сынай алады. Бұл табиғи аймақтың осылай аталуы да бекер емес.

Баланың әкесі: "Алмазды тауып алған кезде, келгенімізге тек жарты-ақ сағат болған еді. Алғаш тауып алғанда түсі қоңыр  болған, содан біз оны алмаз болуы мүмкін деп те ойламадық". Бірақ кейін тауып алған тасты парк  қызметкерлеріне  көрсеткенде, баланың парктың тарихындағы ең ірі алмазды тауып алғандығы анықталған. Оның салмағы 7,44 каратты құрайды.

Фото: cad2.ru
7,44 карат алмаз

Қызметкерлердің айтынша, алмазды табуға өте қолайлы жағыдай болыпты.
Осы аптада бірнеше күн бойы нөсер жауын жауып, топырақтың беткі қабатын су шәйіп кеткен.  Содан жер бетіне жақын жатқан алмазды ашық қалдырған. Тас төртбұрыш, түсі қоңырқай, Калел пішінді болып келеді.

Жасөспірім тасты "Супермен Алмазы" деп атап, сатудан бас тартып,  естелік ретінде сақтап қоюды жөн көрген.

Фото: royalfashionist.com
"Алмазды кратер" Америка

Осы жылдың басынан бері бұл парктің аймағынан 97 алмаз табылған болатын. Ал АҚШ тарихындағы ең үлкен алмаз Арканзас шахтасынан 1924 жылы табылған. Салмағы 40,23 карат тас "Сэм аға" деп аталады.

«The Qazaq Times»