АҚШ президенті G7 саммитін сынады.

Дональд Трамп Францияда өтетін G7 саммитіне бару құр босқа уақыт өткізу деп мәлімдеді. Оның сөзінше саммите айтылатын әлемдік экология мәселесі оған қызық емес. Оның орнына ол жаһандық экономика, АҚШ-тағы жағдай, Ақ үй әкімшілігі сияқты тақырыптардың талқылағанды жөн көреді.

Десе де, Дональд Трамп G7 саммитіне барады. Ол бұған дейін Фарнция президенті Эммануэль Макрон  мен Жапония премьер-министрі Синдзо Абэмен өткен кездесулерінде G7 саммитін қатаң сынға алып, жиынға бармайтындай сыңай танытқан.

G7 саммиті тамыз айының 24-і мен 26-ы күндері аралығында Францияның Биаррице қаласында өтеді. Оған Германия, Франция, АШҚ, Италия, Ұлыбритания, Канада және Жапония елдерінің басшылары қатысады деп жоспарлануда. Бұған дейін Эммануэль Макрон саммит аясында Бразилия Амазонкасындағы өртті талқылауды ұсынған.

"The Qazaq Times"