АҚШ президенті террористерді босататынын айтып, Еуропаға сес көрсетті.

Ақ үй басшысы Дональд Трамп қамауда отырған «Ислам Мемлекеті» террорлық ұйымының мүшелеріне қатысты мәлімдеме жасады. Онда ол Еуропа елдері аталмыш мәселеге араласпай отыр деп айыптады.

«Біз «Ислам Мемлекеті» террорлық ұйымының мыңдаған мүшесін қамауда ұстап отырмыз. АҚШ Еуропа елдері оларды алып кеткеннін қалайды. Егер олар бұдан бас тартатын болса, біз лаңкестерді Еуропаға бостандыққа жібереміз» - деді Трамп.

АҚШ президентінің сөзінше, Сүрия мен Ирак аумағында ұсталған лаңкестер арасында 2 мыңға жуық Еуроодақ елдерінің азаматтары бар.

"The Qazaq Times"