Украина президенті Петр Порошенко. Фото: www.google.com

Украинада Керчь бұғазындағы жанжалға байланысты бір айға әскери жағдай енгізілді.

26 қарашада өткен Жоғарғы Раданың кезектен тыс отырысында Петр Порашенконың бұл жарлығын 450 депутаттың 276-сы қолдап дауыс берді. Парламент мақұлдаған құжат бойынша, төтенше жағдай «Ресей басқыншылығына ұшырауы мүмкін» деген аймақтарға енгізіледі. Бұл шараға қатысты әскери-әуе күштерінің дайындығы күшейтіліп, Бас штабқа ішінара мобилизация бастау туралы пәрмен берілді. Енді 28 қарашадан бастап жарлық күшіне енеді. Украина президенті Пётр Порошенко: «Мақұлданған заң жобасы бойынша әскери жағдай Ресей Фередациясы шекарасымен шектесетін Приднестровье аймағы мен Қара теңіз және Азов теңізі жағасына қатысты. Себебі бұл әскери соққы бере алатын қолайлы аймақтар» – дейді.

Оқиға 2019 жылдың желтоқсанында өтетін президенттік сайлауға еш әсерін тигізбейтін болады. Себебі осыған дейін мемлекет басшысы Украинада әскери жағдайды бір жылға дейін ұзартуды көздеген болатын. Бірақ, парламенттегі қарама-қайшы пікірлерден кейін ол райынан қайтты. Шиеленіске қатысы бар қос тарап БҰҰ-ның қауіпсіздік кеңесіне шұғыл кездесу өткізіп, екі ел арасындағы мәселені талқылады.

"The Qazaq Times"