АҚШ вице-президенті Майкл Пенс. Фото: Infox.ru

Америка Қытаймен қырғи-қабақ соғысқа дайын – деп мәлімдеді АҚШ вице-президенті Майкл Пенс.

Қараша айының 13-і күні «The Washington Post» басылымына сұхбат берген Майкл Пенс АҚШ пен Қытай қарым-қатынасына қатысты мәлімдеме жасады.

«АҚШ президенті Дональд Трамп ресми Бейжіңмен жақсы қарам-қатынас орнатуға дайын. Бірақ ол үшін Қытай өзінің экономикалық және әскери саясатын өзгертуі тиіс. Бұның барлығы Аргентинадағы кездесуде шешіледі. Бұл Қытайдың қырғи-қабақ соғысты тоқтататын соңғы мүмкіндігі» - деді Пенс.

Бұдан бөлек вице-президент журналистің «Егер Қытай қойылған талаптарды орындамайтын болса, Уашингтон қырғи-қабақ соғыс сценариіне дайын ба?» - деген сұрағына: «Амал қанша, болар іс болар. Біз қазір бұл мәселеде өзімізді күшті позициядамыз деп есептейміз» -деп жауап берген.

"The Qazaq Times"