Фото: UDF.by

Мәкеу Беларусьқа жасалауы мүмкін кез келген шабуылды арандатушы әрекет деп қабылдайды.

Қазан айының 21-і күні «Беларусь-1» телеарнасына сұхбат берген Ресейдің Баларусьтегі елшісі Михаил Бабич АҚШ-тың Польша аймағына өз әскери базасын орналастыруына қатысты пікір білдірді.

«Беларусь халқы толықтай қорғалған. Ол жағынан алаңдаудың қажеті жоқ. Қазіргі таңда екі ел арасында бірлескен аймақтық әскери құрылымдар бар. Олар кез келген шабуылды тойтарады және керек болған жағдайда қарсы соққы жасай алады. Ресей Беларусьқа жасалуы мүмкін кез келген шабуылды араңдатушы әрекет деп қабылдайды» - деп мәлімдеді Бабич.

Бұған дейін қыркүйек айында АҚШ президенті Дональд Трамп пен Польша басшысы Андже Дуд Уашингтонда өткен кездесуде Польша аумағына АҚШ әскери базасын орналастыру жөнінде келіссөздер жүргізген. Кейіннен ресми Мәскеу Уашингтон мен Варшаваны қатаң сынға алған.

"The Qazaq Times"