Фото: Rahmat Gul

Сәрсенбі күні Ауғанстан астанасы Кабулдың батысында болған жарылысты «Ислам мемлекеті» террорлық ұйымы мойнына алды, - деп хабарлайды AFP.

Сәрсенбі күні кешкісін Кабулдың Кала-е-Назир ауданында орналасқан спорттық клубта жарылыс орын алған еді. Спорт залындағы жарысқа жанкешті-террорист басып кіріп, жарылғыш затты іске қосқан.

Кейіннен, спорт клубына жақын маңдағы полицейлер мен журналистер тобында миналанған автокөлік жарылған. Екі жарылыстың құрбандары 20 адамнан асқан. Олардың арасында Tolonews телеарнасының тілшісі мен операторы — 28 жастағы Самим Фарамарс пен 23 жастағы Рамиз Ахмади да бар.

“The Qazaq Times”