Орталық коммуникациялар қызметінде электрондық еңбек шарттарын енгізу мәселелері бойынша пресс-конференция өтті. Елімізде электронды еңбек шарттары жинақталатын жүйе енгізіледі. Бұл туралы Еңбек және халықты әлеуметтік қорғау министрінің орынбасары Нариман Мұқышев айтты.

Жүйе енгізілсе қызметке орналасатын адамдар бұрынғыдай құжат жинамайды. Тек электронды қолтаңбаның болғаны жеткілікті. Жұмыс беруші барлық қажетті ақпаратты жүйеге кіріп, өзі қарай алады. Жоба әзірлеушілерінің айтуынша, мұндай жаңашылдық жалған құжат айналымы мен қағазбастылықты едәуір азайтады.

Жобаның  негізгі мақсаты -  халыққа көрсетілетін қызметтер сапасын арттыру. Және азаматтарды жұмысқа орналастырудың қолайлы болуы. Біріншіден, электронды еңбек шарттарын енгізу жұмыскерлер үшін жұмысқа орналасу процесін жеңілдетеді. Қағаздарды жинаудың қажеті болмай кез-келген іс автоматы түрде жасалынады.

“The Qazaq Times”