Қазақстанда тегін дәрімен қамтамасыз ету үшін дәрі-дәрмек өндірушілер электронды сатып алу жүйесін тестілеуді аяқтады. Осы жылы дәрі-дәрмектің 35 атауына электронды сатып алу жарияланды. Бұл туралы Денсаулық сақтау министрлігі хабарлайды.

Сатып алу және өнімді пайдалану барысындағы барлық ескертулер Электронды коммерция орталығына – порталдың әзірлеушілеріне жолданады.

Жаңа жүйе бойынша, сатып алынған дәрі-дәрмектер қазан айынан бастап медициналық ұйымдарға жеткізіле бастайды.

Айта кету керек, сатып алудың электронды форматына көшуді бірыңғай дистрибьютор денсаулық сақтау саласын цифрландыру шеңберінде іске асырылып отыр. Дәрі-дәрмектерді электронды сатып алуға арналған платформа http://www.sk-pharmacy.ecc.kz/ веб-порталында орналасқан. Электронды сатып алу әкімшілік кедергілерді азайтуға, сатып алу барысындағы әділдікті  қамтамасыз етуге мүмкіндік береді.

“The Qazaq Times”