Осы жылдың қыркүйек айынан бастап сынақ режимінде «Астана-Теміртау» күре жолында жол жүру ақысы енгізіледі.

«ҚазАвтоЖол» ҰК» АҚ-ның баспасөз хатшысы Бауыржан Серікбаев мәлімдемесінде: «Астана-Теміртау» күре  жолын қыркүйек айынан бастап сынақ режимінде енгізу жоспарланып отыр. Бір тоқсан ішінде сынақ режимінде жұмыс істейді, содан кейін «ҚазАвтоЖол» ҰК» АҚ-ның  қарауына өтеді. Қазіргі кезде төлем төленетін терминалдар орнатылып, жабдықтар жеткізілді», - деп мәлімдеді.

Төрт жолақты жолдың ұзындығы 170 шақырымды құрайды. Транзиттік жеңіл автокөліктер үшін тариф 1 шақырымға - 1 теңге. Жолға жақын елді мекен тұрғындары үшін жеке тарифпен төленеді - жылдық құны 1000 теңге.

15 тоннадан асатын ауыр жүк көліктерінің тіркемелерімен, сондай-ақ жолаушылар автобустарының құны сынақ режимінен кейін анықталады.

Төлем әдістері: төлем нүктелерінде қолма-қол ақшамен төлеу; Qiwi терминалдары, касса 24; Интернет-төлем (payway.kz); банктік карточка; жеке шот (заңды тұлғалар үшін) секілді жолдармен жүзеге асырылады.

“The Qazaq Times”