Фото: eadaily.com

Біріккен Ұлттар Ұйымы Сүриядағы әскери қақтығыстың аяқталуына аз ғана уақыт қалды деп мәлімдеді. Мәселен, кеше, 9-тамызда БҰҰ-ның Сүрияға гуманитарлық көмек көрсету жөніндегі арнайы өкілінің кеңесшісі Ян Эгелан осылай деп хабарлаған.

Оның сөзінше, қазіргі уақытта Сүрия территориясында «қоршауға алынған» деген категорияға жататын ешқандай аймақ қалмаған. Эгелан сонымен қатар, Сүрияның оңтүстік-шығысындағы әскери қақтығыстардың аяқталғанын, соның арқасында елге гуманитарлық көмек жеткізуге мүмкіндіктер ашылғанын да атап өткен.

Еске салайық, Сүриядағы қарулы қақтығыс 2011 жылдан бері жалғасуда. Осы уақыттан бері жүз мыңдаған адам қаза тауып, миллиондаған адамдар босқынға айналды. Женева пен Астана форумдары аясында осы қақтығысты бейбіт жолмен шешу келіссөздері жүргізілуде.

“The Qazaq Times”