Фото: ТАСС.

Ресей қорғаныс министрі Сергей Шойгу ТМД елдерін Сүрия мәселесін бірлесіп шешуге шақырды – деп хабарлайды ТАСС ақпарат агенттігі.

Агенттік мәліметінше, Сергей Шойгу ТМД елдерінің қорғаныс министрлері кеңесінде: «Қазіргі таңда Сүрия аумағының басым көпшілігі террористерден азат етілді. Лаңкестердің халифат құру жоспарының жолы кесілді. Қауіпсіздікке бірлескен күш-жігер арқылы ғана қол жеткізуге болатыны барлығына аян. Осыған байланысты сіздерді Сирияда бейбіт өмір қалыптастыруға ат салысуға шақырамын» - деп мәлімдеген.

ТМД  елдерінің қорғаныс министрлері кеңесіне Қазақстан, Өзбекстан, Қырғызстан, Әзірбайжан, Тәжікстан, Ресей, Армения және Беларусь мемлекеттерінің ресми өкілдері мен Моңғолия қорғаныс министрі Нямаагийн Энхболд құрметті қонақ ретінде қатысқан.

“The Qazaq Times”