Фото: zanmedia.kz

Қарағандыда аудан прокуроры пара алып жатқан жерінен қолға түсті. Бас прокуратураның баспасөз қызметі осындай ақпарат таратты.

Мәліметке сай, Балхабекұлы Е. есімді прокурор күдікке іліккен 3 адамды жауапкершіліктен босату үшін олардан 300 мың теңге көлемінде ақша талап еткен көрінеді. Күдіктілер заң қызметкері сұраған ақшаны ұстатып жатқан кезде, құзырлы орын өкілдері оларға тап берген. Қазір осы іске қатысты қылмыстық іс қозғалып, аудан прокуроры уақытша тергеу изоляторына қамалды.

“The Qazaq Times”