Ақ үйге болат пен алюмин саласының өкілдері шақырылды. Фото: Indus Dictum.

Трамп үкіметі бейсенбі күнгі Ақ үйде өтетін жиналысқа болат және алюминий саласының жетекші басшылары мен лауазымды тұлғаларын президентпен кездесуге арнайы шақырды. Дерек көздерінің мәлімдеуінше, бұл жиналыста көптен күткен алюминий мен болат импортын шектеу шарасы қабылдануы мүмкін. Бұл туралы WSJ басылымы хабарлады.

Трамп үкіметі екі саланың өкілдерімен Ақ үйде тарифтер мен квоталар туралы кеңеспек. Президент және оның кеңесшілері аталған сала өкілдерімен кеңесуден кейін, алюмин мен болат өндіру және импорт ету ісінде бір қатар жаңа саясаттарды жолға қояды деп күтілуде. Дегенмен, бұл жиналысқа шақырылған кейбір ресми өкілдер Трамп үкіметі аталған салаларда жаңа саясаттың жобасын түзіп болмағанын, бейсенбі күнгі жиналыста ықтимал жобаларды ғана сөз етуі мүмкін екенін айтады.

Болат импортына шектеу қою, Трамп үкіметінің Қытаймен сауда соғысындағы тағы бір соққысы деуге болады. Осыған дейін Трамп үкіметі Қытайдың болат экспортының Құрама Штаттағы болат өндірісін тұншықтырғанын айтып, наразылық білдіріп келген еді.   

 “The Qazaq Times”