Осы уақиғадан соң аралдағы мыңдаған банкоматтарға құрсау қойылды. Фото: REUTERS

Шығыс еуропалық үш азамат Тайуанның Тайбей (Тайвань Тайпей) және Тайжүн қалаларындағы First Bank банкоматтарындағы 2,6 млн доллар ақшаны ұрлағаны үшін, бес жылға бас бостандығынан айырылды, деп хабарлайды Би-Би-Сидің қырғыз қызметі.

Абақтыға жабылғандар Литвия азаматы Андрейс Перегудовс, румыниялық Михаил Колибаба және Молдавия азаматы Николай Пенков. Хаккерлер банкоматтарды тонауда компьютерлік вирус программаларын қолданған.

Тайуан билігінің мәліметіне қарағанда өткен жылдың жаз айларында банктің Лондондағы бөлімшенің серверіне осындай жол арқылы шабуыл жасаған. Олар 10 минуттің ішінде жалпы 34 банкоматты тазалап үлкен сомадағы қаражатты қотарып кеткен.

Бұл іске тағы 19 адам күдікке ілінген. Болжам бойынша олар қылмыс жасап болғасын Тайуаннан шығып кеткен.

Бұндай ірі сомадағы ақшаны тонау оқиғасы Тайуанда бірінші рет тіркеліп отыр. Бұл оқиғадан кейін аралда мыңға жуық банкоматқа уақытша құрсау қойылды.

“The Qazaq Times”