АҚШ президенті Трамп. Фото: The New Yorker.

Ақ үйдің таратқан мәліметіне қарағанда, АҚШ президенті алдағы уақытта болатын Оңтүстік Корея сапары кезінде, Солтүстік және Оңтүстік Корея арасындағы демилитаризацияланған аймаққа бармайтынын айтты. Бұл туралы «Шинхуа» агенттігінің ресми сайты жазды.

Ақ үйдің бұл шешімді қабылдауын Ұлыбританияның «The Independent» басылымы Ақ үй өкілінің NBC арнасына берген сұхбатына сілтеме жасай отырып түсіндіреді. Аталған басылымның хабарына қарағанда, АҚШ-тың вице-президенті Бернс, қорғаныс министрі Меттис және мемлекеттік хатшы Тиллерсон қатарлы АҚШ-тың ең жоғары лауазымдылары екі ел шекарасындағы демилитаризацияланған аймаққа барған болатын. Сол тәжірибеден алып қарағанда АҚШ президентінің онда баруы оның қауіпсіздігін қамтамасыз ету ісіне қиындықтар туғызуы мүмкін екен.

АҚШ-тың бұдан бұрынғы бірнеше президенті Уашнигтонның Сеулге деген достық пейілін таныту үшін екі ел шекарасындағы бұл атаулы орынға барған еді. Бірақ Трамптың жағдайы оларға ұқсамайды. Трамп пен КХДР басшысы Ким Жоң Унның арасындағы қайшылық тым күрделі. Демилитаризацияланған аймаққа Трамптың баруы өзінің бас амандығына қатер төндіріп қана қоймай, екі ел арасындағы дау-дамайды тіпті де өршітіп жіберуі мүмкін.

“The Qazaq Times”