Ресейдің Мемлекеттік думасы РФ әскери әуе-ғарыш күштерінің Сүрия аумағында қалуы жайындағы келісімді ратификациялады.

Бұл құжат өткен жылдың қаңтар айында Сүрия астанасы Дамаскіде қабылданған болатын. Құжатта Сүрия аумағында Ресей әскери әуе-ғарыш күштерінің орналасу аймағы, олардың атқаратын қызметі мен міндеті жайында толыққанды көрсетілген.

Қабылданған құжат бойынша, РФ әскерилері орналасқан базаларды Сүрия әскерилері қорғайтын болады. Ал Ресей әскерилері Сүрияның әуе қорғанысы мен әуе базаларындағы ішкі тәртіпке жауап береді.

Мемлекеттік дума ратификациялаған келісім құжатының жарамдылық мерзімі 49 жыл.

“The Qazaq Times”