Фото: Народные новости

Бүкіләлемдік допингке қарсы агенттік (WADA) Алматыдағы антидопингтік зертхананың жұмысының халықаралық стандарттар мен техникалық құжаттарға сәйкес келмегендігі үшін аккредитациясынан айыру туралы шешім шығарды.

Бұл туралы ақпарат WADA сайтында жарияланды. Алматы қаласымен қатар зертхана жұмысының белгіленген талаптарды сақтамағандығы себебінен Оңтүстік Африка мемлекетінің Блумфонтейн зертханасы да қара тізімге ілінді. Хабарламада аталған шешім 30 күн ішінде өз күшіне енеді деп көрсетілген. Осы уақыт аралығында зертханаларға кез-келген талдама түрлерін қабылдауға, сараптама жүргізуге тыйым салынады.

Шығарылған шешіммен келіспеген жағдайда, 21 күн ішінде Спорттық арбитражды сотқа (CAS) шағым түсіруге болады.

“The Qazaq Times”