Хакерлік шабуылдан бұзылған сайттың скриншоты.

«Ислам мемлекеті» лаңкестік ұйымының хакерлері АҚШ үкіметінің сайтын бұзды деп хабарлайды ВВС ақпарат қызметі.

АҚШ-тың Огайо штатының губернаторы Джон Кейсиктің сайтын «Ислам мемлекеті» хакерлері бұзды. Хакерлер Огайо штатының ресми сайтына ағылшын тілінде «Трамп және барлық АҚШ азаматтары мұсылман мемлекеттерінде төгілген қан үшін жауапқа тартылатын болады.» деген хабарлама қалдырып кеткен.

Bloomberg және New York Post басылымдарының мәліметінше, дәл осындай жазбалар жексенбі күні Брукхейвен қаласының ресми сайтында да жарияланған.

Ал Огайо шататының байланыс басқармасының басшысы Том Хойт бұл жайында: «Қазіргі таңда хакерлердің сайттарды қалай бұзғанын білу мақсатында шабуыл жасалған барлық серверлерді өшіріп тастадық. Біз қазір құқық қорғау органдарымен бірігіп не болғандығын анықтап жатырмыз.» деді.

Хакерлік шабуылды Team System DZ тобы өз мойынына алған. «Ислам мемлекеті» лаңкестік ұйымының жақтастары  Team System DZ  хакерлер тобы бұған дейін Пентагонның Твиттер және You Tobe акаунттерын бұзған. 2015 жылы олар Францияның TV5 Monde  телеарнасының сайтына шабуыл жасаған.

“The Qazaq Times”