Фото: www.trt.net

Жапонияның Оңтүстік Кореядағы консулдығы алдына, Екінші дүниежүзілік соғыс кезінде құлдыққа алынған әйелдерді бейнелейтін мүсіннің қойылуы, екі ел арасында дипломатиялық араздыққа жол ашты.

Жапония үкімет өкілі Йошихиде Суга Сеулдегі Өкілетті және Төтенше Елші Ясумаса Нагаминені және Бусан бас консулын кері шақырғанын хабарлады.

Өткен жылғы екі ел арасында жасалған келісімді еске алған Суга мүсіннің консулдық алдына қойылуын «өте өкінішті» деп бағалады.

Осы іске байланысты, Оңтүстік Кореяның Сыртқы істер министрлігі де Жапонияның өкілетті елшілерін кері шақыруын «өкінішті» деп атады.

Ескерткіш, өткен айдың аяғында белсенділер тарапынан Жапонияға ең жақын порт қаласы Бусандағы консулдық алдына қойылған болатын. Ол – Екінші дүниежүзілік соғыс кезінде жапон армиясы  құлдыққа ұстаған оңтүстік кореялық әйелдердің символы.

Полиция тарапынан алып тасталған мүсін қоғамның талап етуі және жергілікті үкіметтің шешімімен, қайтадан консулдық ғимараты алдына орналастырылған болатын.

1910-1945 жылдар арасында Корея, Филиппин, Тайуан және басқа Азия елдерінен шамамен 200 мың әйел,  Кореяны басып алған жапон әскерлеріне жыныстық қызмет өтеуге мәжбүрленген.

Соғыс жылдарында жапон әскерлері тарапынан қорланған оңтүстік кореялық әйелдердің қазір 40 шақтысының көзі тірі.

2015 жылы Токио мен Сеулдің ұзақ уақыт жүргізген келісімінің негізінде, Оңтүстік Корея үкіметі тарапынан анықталған 238 әйелдердің жанұялары мен қазір көзі тірі 40 әйелдің емделуі және басқа да материалдық қажеттіліктерін қамтамасыз ету үшін арнайы қор құрған.

«The Qazaq Times»