Фото: AP Photo / Marcio Jose Sanchez

Apple компаниясы үйге арналған көпфункционалды HomePod динамиктерін таныстырды.

Биіктігі шамамен 17,5 сантиметр болатын құрылғыда өзі орнатылған кеңістікке байланысты дыбысты бейімдеп отыратын арнайы дыбыс жүйесі орнатылған. Динамик тек дыбыс шығаратын құрылғы ғана емес, арнайы А8 процессорының арқасында  HomePod күнделікті жаңалықтарды, ауа райын, қаладағы кептелістер туралы қосымша ақпараттар беріп отырады.  Құрылғы әуендерді іздеуге арналған  Siri функциясымен де жабдықталған.

HomePod динамигі осы жылдың желтоқсанынан АҚШ, Ұлыбритания, Австралия секілді елдерде сатылымға шығарылады. Бағасы  349 доллар көлемінде. Ал ТМД елдеріне 2018 жылы келеді деп жоспарлануда.

“The Qazaq Times”