Фото: Sputnik

Қызылорда қаласындағы жылу электр станциясын бұзу барысында жылыту қазандығының құлауы салдарынан бір адам көз жұмды деп хабарлады ҚР ІІД төтенше жағдайлар комитетінің өкілі Руслан Иманқұлов.

Бұған дейін жексенбі күні Қызылорда қаласының жылыту қазандықтарының бірінде төтенше жағдай орын алып, екі адам үйінді астында қалып қойғандығы жайында ақпарат тараған еді.

Кеше  екі жұмысшының біреуі ауыр жарақатпен жергілікті ауруханаға жеткізілген болатын. Үйінді астында қалып қойған екінші адамның жансыз денесін бүгін түнгі сағат 3:45 кинологтар әрең іздеп тапқан.

“The Qazaq Times”