Автобустағы маска режимін тексеруге кірген мониторинг топ мүшесі полицей. Фото: Алматы қаласы әкімдігі

Алматы қаласында эпиджағдай нашарлап тұр. Эпидемиологтардың мәліметінше, қоғамдық көлік – инфекцияны жұқтыратыны негізгі бес орынныңың бірі (жұқтыру 16,8%). Сондықтан Алматы қаласы аудан әкімдіктері жанынан құрылған мониторинг топтары маска режимінің сақталуын бақылайды.

Ресми мәліметке қарағанда, әкімдік, жергілікті полиция қызметі және «Бақылау-тексеру басқармасы» желілік қызметінің мамандарынан құрылған мониторинг топтары қоғамдық көліктердегі маска режимінің сақталуын тексереді.

Баспасөз қызметі таратқан хабарламада 9 тамызда ішінде 112 автобус пен троллейбус тексерілгені айтылады. Дүйсенбі күні ереже бұзылған автобус маршуттары: 1, 98, 32, 123, 79, 11, 9, 45, 22, 135, 105, 201, 7, 126, 60, 114, 25, 5, 5В, 29, 65, 37, 205, 224, 20, 148, 38, 62, 210, 45, 18. Бетперде режимін бұзған 22 жеке тұлғаға айыппұл салынды, барлық жолаушы әкімшілік жауапкершілікке тартылған.

Мамандар аурушаңдықты азайту үшін тұрғындарды жұрт көп жиналатын орындарда, қоғамдық көлікте қауіпсіздік шараларын, маска режимін сақтауға шақырады.

Мониторинг топтары қоғамдық көліктен басқа көпшілікке арналған тамақтану, дүкендер мен ел топтасатын нысандарды тексеруді жалғастыруда. Мобильді топтардың мәліметі бойынша, жыл басынан бері 1150-ден астам мейрамхана, кафе мен дүкенде, 171 компьютерлік клубтарда, 21 бильярд клубында, 5 спа-салонында, 31 саунада, 2 кальян залында, 54 караокеде карантиндік шаралардың бұзылуы анықталды. Карантин ережесін бұзған 3300-ден астам адам тергеу үшін полицияға жеткізілді.

"The Qazaq Times"