Ұлыбритания премьер-министрі Борис Джонсон. Фото: https://cdn

Ұлыбританияда коронавирус жұқтырғандар саны 1 миллионнан асып, бір жылда екінші рет қатарынан жалпыұлттық локдаун жарияланды. The Independent мәліметінше, қатаң шектеу шаралары 5 қарашадан бастап енгізіледі.

Ел премьер-министрі Борис Джонсон енгізген жаңа тәртіпке сай бір үйде тұрмайтын адамдардың кездесуіне тыйым салынады; көшеде 6 адамнан артық жиналуға болмайды. Сонымен қатар Британия билігі қоғамдық көліктердің орнына велосипед, электросамокатты пайдалануға және алыс сапарға шықпауға кеңес берді. Азық-түлік дүкендері мен дәріханалардан басқа нысандар уақытша жабылады.

Үкімет карантин соңына дейін еңбекақысыз қалғандарға жалақыларының 80%-ін төлеуді жалғастырмақ. Егер жағдай түзелсе, локдауннан кейін британиялықтар 25 желтоқсанда тойланатын Католиктердің рождествосын отбасыларымен бірге атап өтпек.

Қазір Еуропада коронавирустың екінші толқынына байланысты бірнеше мемлекеттерде шектеу шаралары қатаңдатылды. Өткен аптада Франция жаппай оқшаулау режиміне көшті.

"The Qazaq Times"