Қытай ұлттық қауіпсіздік туралы заңды қабылдаған жағдайда Ұлыбритания Гонконгтың 3 миллионға жуық тұрғындарына еңбек визасын береді. Бұл туралы SkyNews хабарлады.

Сонымен қатар олардың азаматтық алуына да мүмкіндік жасалады.  Британдық «Time» басылымына сұхбат берген Борис Джонсон: «Гонконгтың табысқа жетуінің себебі – оның халқының еркіндігінде. Егер Қытай ұлттық қауіпсіздік туралы заңның Гонконг нұсқасын қабылдаса, бірлескен декларациядағы Қытайдың міндеттемелерін тікелей бұзған болып есептеледі. «Қытай-Британ бірлескен декларациясы» БҰҰ мақұлдаған ресми келісім», – деген болатын.

Ұлыбританияның мұндай жоспарын Қытай тарапы қатаң сынға алды. Ел билігі корольдіктің бұл әрекетін елдің ішкі ісіне араласу деп санайды.

"The Qazaq Times"