Көрнекі сурет. https://g3.dcdn.lt

Ұлыбританияның денсаулық сақтау министрі, депутат-консерватор Надин Доррис коронавирус жұқтырған.

ВВС хабарлауынша, министр карантинге алынып, Англияның Қоғамдық денсаулық сақтау қызметі депутатпен байланысқа түскен адамдарды іздей бастады. Мемлекет бойынша барлығы 25 000 тест жасалған.

Қазіргі уақытта ел билігі сақтық шараларын күшейтті. British Airways Италияға және кері қарай ұшатын барлық рейсті 4 сәуірге дейін тоқтатты және компания қызметкерлерінен ақысы төленбейтін демалыс алуларын сұрады.

Ұлыбританияда вирус жұқтырғандар саны 373 адамға жеткен: Англияда 324 адам, Шотландияда 27, Солтүстік Ирландияда 16 және Уэльсте 15 адам. Алты адам дерттен көз жұмған.

"The Qazaq Times"