Оңтүстік Кореяда індет жұқтырғандар саны 433 адамға жетті. Фото: Twitter.

Оңтүстік Корея коронавирус жұқтырғандар саны бойынша Қытайдан кейін екінші орында тұр. Корей жұртындағы вирус ошағы саналған Тэгу қаласында медициналық бетперде алуға жүздеген адамдар кезекке тұратын болды.

Оңтүстік Кореяда 22 ақпан күні коронавирусқа шалдыққандардың 229 жаңа жағдай анықталып, ел көлемінде қауіпті індет жұқтырғандар саны 433 адамға жетті. Оңтүстік Корея Қытайдан тыс коронавирус тараған алғашқы елдердің бірі болды.

Оңтүстік Кореяның Денсаулық сақтау министрлігі індет жағдайы ел көлемінде баса назар аударатын деңгейге жеткенін растады. Дүниежүзілік денсаулық сақтау ұйым да әлемнің 30-дан астам елінде коронавирус тарағанын айтуда.

“The Qazaq Times”