Jan. 26, 2020, Xi'an, China: A medical worker (L front) embraces a family member for goodbye in Xi'an, northwest China's Shaanxi Province. A team comprised of 136 members from 51 medical institutions in Shaanxi left Xi'an for Wuhan on Sunday to aid the coronavirus control efforts there. (Credit Image: © Li Yibo/Xinhua via ZUMA Wire)

Қытайда тараған қатерлі коронавирус індеті жергілікті тұрғындардың өмірін жалмап барады. Соңғы мәліметтер бойынша, дерттен көз жұмғандар саны 170 адамға жетті.

Жергілікті ақпарат құралдары қаза тапқандардың барлығы Хубэй провинциясының тұрғындары екенін хабарлады.

Сондай-ақ хабарламада cоңғы тәулікте вирустан 37 адамның жан тапсырғаны, 1032 науқаста коронавирустық инфекция расталғаны айтылды.

Кеше еліміздің бас санитар дәрігері Жандарбек Бекшин «вирустың пайда болу көзі жануарлар – жарғанаттар, сүтқоректілер, оның ішінде қояндар, құстар, сондай-ақ, Ухань базарындағы аю табаны, аю және борсық майы болуы мүмкін» деп болжаған еді.

Кеше Қытайдан 21 Қазақстан азаматы елге оралып, тексеруден өтті. Гуанчжоу және Құлжа қалаларында болған екі азамат Панфилов ауданының орталық аудандық ауруханасына жатқызылды. Ал қалған 19 адам байқау ауруханасына жатқызылды.

"The Qazaq Times"