Гонконгтағы HSBC банк. Фото: Global Times.

Гонконгтағы HSBC секілді ірі банктер демократия талап еткен ереуілшілерді тыныштыққа шақырып, шерулерді тоқтатуын сұрады. Банктер бұндай хабарламаны қаладағы кең таралымға ие басылымдар арқылы жариялаған. 

Гонконг банктерінің мәлімдеуінше, бірнеше айға созылған ереуілдер олардың бизнесіне ауыр зиян салған. Сондай-ақ, банктер бұндай хабарламаны үкіметті жақтау мақсатында жолдамағанын ескерткен. Олар мәлімдемесінде ешбір тарапты жақтамай, дербес түрде өз өтінішін білдіріп жатқанын алға тартады.

Бұған дейін "Твиттер", "Телеграм" секілді әлеуметтік желілер Қытай үкіметімен жасырын байланысы бар аккаунттар наразылық шараларына қарсы үгіт таратқанын мәлімдеген болатын. Сол қатарда "Твиттер" әлеуметтік желісі, демократияны талап еткен наразылық шараларының заңдылығын теріске шығарды деген айыппен 934 аккаунтты жауып тастаған болатын.

“The Qazaq Times”