Көрнекі сурет. Фото: https://liter.kz

Қызылорда облысына жұмыс сапарымен барған Бауыржан Байбек «ақындарымыз қоғамдағы өзекті мәселелерді ашық айтуы тиіс» – деді.

«Nur Otan» партиясы төрағасының бірінші орынбасары сапар барысында партияның облыстық активімен кездесіп, алдағы жоспарларды талқылаған. Елдегі айтыстың қайта жандануына қатысты пікір білдірген Бауыржан Байбек: «Партияның қолдауымен енді ай сайын әр өңірде айтыс ұйымдастырылады. Оның алғашқысы күзде Алматыда өтеді. Ақындарымыз қоғамдағы өзекті мәселелерді ашық айтуы тиіс. Бірақ барлығы конструктивті болуы қажет», – деді.

Айтыс өнері Қазақстанда 1950 жылдары жаңаша жаңғырып, совет кезеңінде негізінен қазақ тілді аудитория ортасында ерекше танымал болған. 1991 жылдан бері айтыскер ақындар көрерменнің қолдауын табу үшін өткір әлеуметтік-саяси мәселелерді жиі көтерді. 2000 жылдардың ортасынан бастап Қазақстан билігі айтысты «бейсаясиландыруға» күш салған. Айтыс теледидардан көп көрсетілмей, бірқатар ақындар республикалық айтыстардан шеттетілген.

"The Qazaq Times"