Президент Қасым-Жомарт Тоқаев Bloomberg Media Group компаниясының бас атқарушы директоры Джастин Смитпен кездесті. Бұл туралы Ақ орда сайты хабарлады.

Кездесу барысында тараптар Қазақстанның инвестициялық ахуалын одан әрі жақсарту перспективалары жөнінде пікір алмасты. Президент Bloomberg компаниясының бүкіл әлем бойынша саяси, әскери, қаржылық сала турасында ақпарат тарататынын атап өтіп, Қазақстанның инвестициялық мүмкіндіктерін ілгерілетудегі әлемдік медианың ықпалына тоқталды.

Сонымен қатар, «Астана» халықаралық қаржы орталығы алаңынан тікелей хабар тарататын Bloomberg студиясын ашу, беделді халықаралық бұқаралық ақпарат құралдарын тарту үшін медиахаб құру, ірі ұлттық компаниялар акцияларының «Астана» халықаралық қаржы орталығы биржасына шығуын ұйымдастыру мәселелері талқыланған.

"The Qazaq Times"