Гүлнара Кәрімованың азаматтық некедегі күйеуі Рустам Мадумаровтың фирмасы сатылымға қойылды.

Өзбекстанда «EDEL VEYS-ALI» компаниясының 100 пайыз акциясы сатылымға қойылған деп хабарлайды жергілікті "Гранд радиосы".

Жергілікті БАҚ-тың хабарлауынша, сату демпинг тәсілі арқылы жүзеге асады. Бастапқы бағасы 4,1 млрд. сум (480 мың доллар шамасында). Аукцион 8 мамырда өтеді деп жоспарлануда.

Осыған дейін Өзбекстанның Бас прокуратурасы Гүлнара Каримованың азаматтық некедегі күйеуі Рустам Мадумаровты "жемқорлыққа қатысы бар" деп айыптаған. Ол 2014 жылы ұзақ мерзімге түрме жазасына кесілген.

Ал Швеция прокуратурасы "Рустам Мадумаров Гүлнара Каримова шетелдік ірі телекоммуникациялық компаниялардан пара алған кезде, делдал болуы мүмкін" екендігін айтқан.

"The Qazaq Times"