Фото: Радио Озоди

Қырғызстан экс-президенті Алмазбек Атамбаев басқаратын Социал-демократиялық партиясы оппозицияға өтетінін мәлімдеді. Бұл туралы 18 наурызда партия өкілі Құндыз Жолдыбаева айтты.

Жолдыбаеваның сөзінше, партияның кезекті съезі 6 сәуірде өтеді.

Қырғызстанның бұрынғы президенті Алмазбек Атамбаев Ақсы оқиғасының 17 жылдығына арналған еске алу шарасында қазіргі президент Сооронбай Жээнбековті елде "отбасылық-кландық билікті" қайта орнатты деп айыптаған.

Ол Жээнбековті билікке әкелгені үшін халықтан кешірім сұраған. Сол күні басқа шарада сөйлеген Жээнбеков биліктегі кландық басқаруға қарсы екенін мәлімдеген.

Қырғызстан социал-демократиялық партиясы 1993 жылы құрылған. Атамбаев партияны құрушыларының бірі. Бірақ Атамбаев пен Жээнбеков арасындағы саяси тартыстан кейін партия екіге бөлінген. Бір бөлігіне Атамбаев жетекшілік етеді. Екінші бөлігін (парламенттегі фракциясын) Жээнбеков басқарады.

"The Qazaq Times"