Сүрия режимі мен оппозициясы тұтқын алмасты. Фото: RusNext.ru.

Бүгін Сочиде Ресей, Иран және Түркия арасында Сүрия мәселесін тақырып еткен келіссөз өтпек. Соған байланысты Сүриядағы Башар Асад режимі мен оппозицияға қарасты қарулы күштер тұтқындарды алмасты.

Бұл жолы Сүрия үкіметі мен оппозиция арасында Ресей мен Түркия кепілгер болған. Мәліметтерге қарағанда, әр тарап 20 тұтқыннан босатқан. Үкімет тарабы босатқан 20 адамның арасында оппозиция талап еткен екі бала да бар.

Сүриядағы үкімет пен оған қарсы күштер арасында тұтқындар мәселесі Астана отырысы кезінде қолға алынған. Содан бері екі мәрте тұтқындарды алмасты. Бұдан бұрын 2018 жылы 24 қарашада он-оннан тұтқын босатып, алғашқы символдық қадамын жасаған.

Мәліметтерде айтылуынша, Башар Асад түрмеде 500 мың адамды тұтқында ұстап отыр.  

“The Qazaq Times”