Фото: 4esnok.by

Brexit жоспарына байланысты Ұлыбритания Еуропалық Одақ елдерімен визасыз режимді уақытша тоқтатпақ.

Guardian мәліметінше, 29 науыздан бастап ЕО мемлекеттерінен келетін туристер үш айдан кейін уақытша тіркеуге тұрып, виза алуы тиіс. Британия Ішкі істер министрі Сайдж Джавид: «Ұлыбритания қазір экономикалық тұрғыда өтпелі кезеңде тұр. Бұған ЕО құрамынан шығу және Ирландиямен шекара мәселесі себеп. Сол үшін біз Одақпен арадағы визасыз режимді алып тастаймыз», – деді.

Екі аптадан кейін қауымдастықтар палатасында аталған мәселе бойынша екінші дауыс беру жоспарланып отыр. Бірақ, 2016 жылы қабылданған референдумнан кейін Мэй үкіметі ұсынған жоспар қызу талқыға түсіп, әлі күнге дейін шешімін тапқан жоқ. Ал Ұлыбританияның Одақтан шығуына екі ай уақыт қалды.

"The Qazaq Times"